PANARIHONON TU ANGKA NA HUMURANG

I Korint 12 : 21 - 26

1.  “Persatuan dalam keberagaman; kepelbagaian untuk persatuan”. Diigil pandohan on do asa boi marsada tu dongan nang pe marasing budaya, haporseaon dohot bangko. Pinangke parasingan i pasadahon diri tu dongan, unang paholangkon. Ndang soadahonon parasingan i, alai parhaseangkonon do tu ngolu na masitumpahan. Ala marhite parasingan ni ngolu, hadirion dohot bangko I ditogutogu do hita mangantusi panompaon ni Debata di jolma, marasingasing do, asa marhite parasingan i jumpang na masitumpahan (saling melengkapi).

2.  Domu tusi do na pinasahat ni turpuk on. Masa parbolatbolaton di huria Korint ala pengkultusan ni ruas tu angka Apostel i. Ala hurang malo si Paulus marjamita,diparoaroa ibana, asa ganggu natorop di haporseaonna, sabalikna dipatimbo, dikultushon apostel na asing i. Pangkultusan i patubuhon parbolatan di Korint, adong horong Paulus, Kepas, Apollos dohot Kristus. Alani ma dipasahat si Paulus surat on laho paingothon huria Korint taringot tu lapatan ni parasingasingan ni parngoluan ni jolma. Parasingasingan ni ngolu dohot silehonlehon i ndang jadi pangkeon patimbohon diri jala paoruhon dongan. Boasa marasingasing jala marragam dipasahat Tuhan i silehonlehon ditongatonga ni Huria? Asa marpanumpak tu na asing. Dipatudos si Paulus parasingsingan ni silehonlehon i tu parasingasingan ni organ tubuh ni jolma. Sada do pamatang ni jolma alai marragam jala marasingasing organ ni pamatang i, marasingasing nang fungsina. Adong mata, pinggol, dila, tangan, hulinghuling, igung dohot na asing. Nang pe marragam bentuk dohot fungsina, sada do pamghilalaan. Nang pe marasingasing, masirainan do pangontakna. Molo dibereng mata pahean nauli, manigor diparentahon tu roha mandok uli, jala pintor dionjar pamangan manungkun argana, diparenta tangan manjama dohot mambuat hepeng laho manuhor, ima reaksi spontan bersama. Ndang boi ruas ni pamatang i so padohot na asing.

3.  Suman tusi do parngoluon ni jolma. Ndang dos dipasahat Tuhan i silehonlehon dohot ulaon tu jolma, marasing be do, asa jumping parsaoran na masitupahan. Ndang ditompa Debata jolma I dos jala sarupa, ai molo sude pegawai negeri sipil(PNS), ise be mangula hauma na paradehon boras tu pegawai? Hasadaon ni halak Kristen ndada hasadaon sama tinggi, sama rendah, manang sama rata. Hasadaon ni halak Kristen ima hasadaon dalam keberagaman. Bhineka Tunggal Ika : Berbedabeda tetapi satu, satu walaupun berbeda. Hasadaon ni halak Kristen tudos tu “harmoni ni suara”. Nang pe marasing volume ni suara sopran tu alto, tu tenor dohot bas, alai molo dipadomu marhite harmoni tarbege paduan suara na tabo begeon.

4.  Didok si Paulus, ndang boi dohonon ni mata tu tangan: ndang tu dihangku ho. Ndang boi dohonon ni na sada tu na asing: ndang ringkot ho di au. Ndang boi lea roha ni organ na sada tu organ pamatang na humurang idaon. Isarana, ndang boi lea roha ni mata tu imbulu ni mata. Na nidokna ndang jadi lea roha tu dongan jolma. Ndang jadi rajuman tumimbo, umbalga, manang sumangap iba sian na asing. Torop jolma na sala mangantusi di parasingasingan ni silehonlehon i. Adong na mangarajumi tumimbo jala sumurung ibana sian donganna, ala sumurung dijalo silehonlehon sian Tuhan i. Pangalaho na mangarajumi diri sumurung sian na asing i do na mambahen masitombisan jolma di parsaoran jala manghorhon hagaoron.

Ganup ruas dohot parhalado ingkon mangarajumi dirina ruas ni pamatang ni Kristus. Molo jumpang na songon i, ndang adong be pangalaho na marguru dokhu. Antong tapangke ma parasingasingan ni ngolunta i tu ngolu na masitumpahan dohot masiurupan.     

Font aksara batak toba telah bisa digunakan di komputer

 Untuk Download font tersebut klik DISINI
Dengan nama font TOBA___.ttf

Setelah di download, copy fon tsb ke menu Fonts di Control Panel.

buka ms.office anda...pilih font bawah time new roman.
font berlambang tulisan batak dengan nama"Toba"
 selamat mencoba ..

Nb: Anda juga dapat mengunduh aplikasi alihaksara transtoba2-0.23.jar di link yang sama dengan font Toba di atas(untuk menggunakan aplikasi tsb, anda pelu menginstal java terlebih dahulu).. 

Bunyi c yang sering terdapat dalam bahasa Indonesia tidak terdapat dalam bahasa Batak Toba akan tetapi sering ditemukan dalam bahasa Mandailing yang menulisnya sebagai bunyi s ditambah dengan tompi (tanda baca yang berupa dua garis horisontal).

Bunyi ny juga tidak terdapat dalam bahasa Toba tetapi lazim digunakan dalam bahasa Indonesia dan juga dalam bahasa Mandailing sehingga kita meminjam aksara Mandailing NYA.

Satu lagi bunyi yang tidak terdapat dalam bahasa Toba adalah bunyi h pada akhir suku kata (ru-mah, rah-mat). Dalam hal ini kita tidak bisa menggunakan aksara HA karena aksara tersebut selalu dilafalkan k bila berada pada akhir suku kata. Dalam hal ini untuk penulisan kata Indonesia sebaiknya kita meminjam anak ni surat h dari surat Batak versi Pakpak dan Karo.

Huruf f, v, dan z hanya terdapat dalam bahasa Indonesia untuk menulis kata yang berasal dari bahasa asing: zaman (bahasa Arab), firasat (bahasa Arab), vespa (bahasa Itali). Bunyi f dalam bahasa Indonesia hampir selalu menjadi p sehingga f dialihkan sebagai p: fikir menjadi pikir, foto menjadi poto. Bunyi z lazim dilafalkan j dalam bahasa Indonesia sehingga kita pun memilih aksara JA untuk menuliskan z: zaman menjadi jaman.

Huruf v hanya terdapat dalam kata asing, dan selalu dilafalkan sebagai f atau p sehingga transtoba2 pun mengalihkannya menjadi p: Vespa menjadi Pespa,

Teks berbahasa Jerman juga dapat dialihaksarakan menjadi Surat Batak, namun perlu diingat bahwa program kami dalam hal mengalihaksarakan bahasa Jerman belum berfungsi secara sempurna dan hendaknya hanya digunakan untuk mengalihaksarakan nama orang atau nama tempat.

.....

MARSURAK MA DITONGATONGANTA DO DEBATA

Sepania 3 : 14 - 20

1.     Sepania lapatanna “Nunga diramoti Jahowa”; nunga ditabunihon Jahowa”. Sada tema na menonjol di buku Sepania on ima Ari ni Jahowa (bnd, 1:14 – Hari Tuhan), ima ari haroro ni Debata laho mandabu uhum ni rimasNa. Ari pangarimason, ari hagogotan dohot pardangolan; ndang adong na boi manahan manang ise pe. Ndang mabiar si Sepania manurirangkon i. Tullom do i dipasahat tu angka raja, penguasa dohot situan natorop. Alai ndang marujung di uhum ianggo ulaon ni Debata. Dipatudu do, tung umbalga do holongNa sian rimasNa. Ai dung rimas uhum i, pintor soluk do bagabaga haluaon sian Debata. I do ala dijouhon Debata marhite si Sepania tu bangso i asa marolopolop, mariaia jala marlas ni roha bangso i. Boasa ? Ala nunga diunsat Jahowa uhumNa na tu Israel (ay.15a). Tutu diuhum Debata do nasida tu habuangan dohot haluaon do sangkap ni Debata. Nunga disiaphon Debata angka musu nasida (ay.15b). Jahowa do marporang humophop bangso i. Jahowa mian ditongatonga nasida, mandongani, jala mangondingi bangso i. Dungi pasuangon ni Debata ma muse hamuliaon nasida (ay.19-20), haurahon nasida i, ala naung ditoru ni huaso ni bangso parbegu i nasida, paubaon ni Debata ma i gabe hamuliaon. Ai mulak ma muse bangso i sian habuangan tu Jerusalem, mamongoti bagas joro i marsomba tu Debata. Ndang idaon nasida be hinamago alai hamuliaon nama. Alani i dijouhon Debata; unang mabiar – unang palenduk tanganmu. Tidak ada lagi yang perlu ditakutkan, bila Tuhan ada di pihak dan ditengahtengah kita

2.     Nuaeng ndada tu Israel be joujouon, alai hita na ma. Mariaia ma ho, marolopolop ma ho, marlas ni roha ma ho, sian nasa roham. Ai na tatagam jala na tapaima haroroNa i, ima Jesus Tuhantai, mangalehon lasni roha, songon na tu Israel on. Alai adong do “syarat” na ingkon ulahononta asa dapot i. Dia ma i? Pauba roha (bertobat). I do joujou ni si Sepania tu bangso i. Sude perubahan i patupaon ni Debata jala boi daion ni bangso i, ima molo olo nasida pauba roha. Didok adong 3 siluluan :

1. Lului ma Jahowa.  Asa tu Jahowa peakhon sude ngolu, Ibana gabe haposanmu, paloas Ibana mangatur sude ngolum, unang laho tu hagogoon na asing, tu sumangot ni ompu, tu hepeng, hasangapon, d.n.a.
2. Lului hatigoran – keadilan; ima maniru Debata na adil, ingkon luluanta, usahahononta, perjuanghononta, asa sude dapotan keadilan. Pungkaonta ma sian dirinta sandiri. Berlaku adil tu sude halak, tu istri/suami, tu ianakkon, tu pegawai, d.n.a. Keadilan akan membuat hidup menjadi aman, damai dan tenteram.
3. Lului haserepon ni roha. Ai holan halak na serep marroha do sipatimboon ni Debata jala holan angka parroha haserepon do topoton ni Jesus na tubu i (BE.No.43:3).

DEBATA PAIMBARU NGOLUNTA MARHITE SURUANNA

Maleakhi 3:1-4

Debata manongos suruanNa/utusanNa hombar tu angka konteks na ni adopan ni bangsoNa/ruasNa. Marasingasing do angka ulaon dipasahat tu naposoNa, alai molo tujuanna tongtong do laho mamboan ruas i tu lomo ni roha ni Debata. Isarana, Jesaya, Jeremia dohot Hesekiel disuru Debata do nasida di tingki masa habuangan. Alai molo hamumulak ni bangso i sian habuangan sahat tu na paulihon/pemulihan Bagas Joro, tu panurirang Nehemia nama.

Tarmasuk ma turpuk on, masa pemulihan nama buku Maleaki on disurathon. Hata maleaki na marlapatan do i,: SuruanKu (UtusanKu). Adong dua na mansai ringkot na tinaringotan ni buku Maleaki on, ima: Pangalaho na sala binahen ni angka malim dohot ruas (umat) marhite ibadah. (1:6-2:9 dohot 3:6-12); masalah kekejian perkawinan campur dohot perceraian (2:10-16). Panurirang Maleaki manuriranghon ari ni Tuhan i. Di ari i, angka malim diparbadiai, angka na jahat diuhum jala halak partigor dipalua/dihamonanghon. (3:1-5). Disuru do paunrirang Maleaki songon Johannes Pandidi laho manotas dalan. Patuduhon dalan asa dapot angka na pinarsinta ni Tuhan i. Tontu molo jumpang angka na pinaimaima, ro ma las ni roha dohot semanagat na imbaru.

Di ayat.2 ditaringoti do diharoroNa i, songon api sipanopa dohot songon sabun sipanunsi. Halak Lepi (suku Lewi) do malim di halak Israel. Nasida khusus do i holan manghobasi di bagas joro (parhalado/keagamaan). Ndang mulaulaon nasida, alai cukup do angka naung niaturhon i parbalanjoon nasida. Sian saparsampulu (perpuluhan) dohot pelean santisanti (hamauliateon) (3:8). Naeng dohonanna, asa jumolo papitaonna halak Lepi, songon malim nasida. Asa gabe siboan pelean sipanganon nasida tu Jahowa dibagasan hatigoran. Alai nunga hira sipaula be dibahen nasida panghobasion i. Nunga olo nasida pasahathon pelean situtungon na martihas (1:8), dohot sagusagu na ramun (1:7). On ma na mambahen nasida mandao sian Debata. Hira na so dipardulihon Debata be nasida, tarmasuk ma angka ibadah dohot pamelean nasida i. I ma tugas ni panurirang Maleaki tu bangso i, asa jumolo diparade be dirina laho manjanghon suruan na hinalungunhonmuna (Malaikat Perjanjian yang kamu kehendaki itu). Gabe mulak ma tu parsombaon ni ompu nasida na jolo. Mulak ma pelean na denggan i mambahen las roha ni Debata songon pinatupa ni angka ompu nasida di taon mulamula. Jonohan ni Debata ma nasida, uhumonna ma angka na so manghabiari Ibana.

Nunga masuk hita tu Minggu Adven II, na paingothon hita do laho mangarade diri tu panomunomuon Haroro ni Tuhan Jesus paduahalihon i. Molo tapaihutihut pardalanan ni parhuriaonta dohot haporseaonta di tingki angka na parpudi on, aha do na tubu tu rohanta be. Aha do angka tantangan na ni adopan ni hurianta dohot ruas ni hurianta di na mardalan hita huhut paimaimahon Haroro ni Tuhan Jesus paduahalihon i. Nunga hombar pardalanan ni angka ibadahta siganup Minggu marsomba tu Debata?. Nunga las roha ni Debata marnida pamujionta, diparendeon, partangiangon, parsaoran nang dipanghobasionta?. Ringkot dope hita ingkon papitaon marhite api sipanopa dohot sabun sipanunsi i?. Jala marhite aha do na nidokna api sipanopa i. Naeng tapataridahon ma i sian angka parsaoranta siganup ari. Marhite tindakan/pangulaon na tongtong marharoroan sian holong. Asa dihalomohon Debata ma nian angka ibadahta/peleanta jala lam pajonokonna diriNa tu hita. Boi tapaulak muse angka parsaoran na salpu i di taon mulamula. Unang ma adong na paburnangburnang diri. Alai naeng mian ma nian tongtong haunduhon dohot haserepon ni roha i maradophon Debata nang dongan jolma. Ai nunga dipasahat be tu hita angka ragam ni silehonlehonNa i. Tapangke ma i dalan mamuji dohot pasangap Goar ni Amanta Pardenggan Basa i.

DIHAHOLONGI DEBATA DO SIRADOTI PATIK DOHOT UHUMNA

1. Pangibulan Psalmen 19, i ma pujipujian tu Debata ala hinadenggan ni PatikNa. Ala hadengganon ni Patik ni Debata, sai marulak-ulak dihatahon par-Psalmen on hatuaon ni halak na mangulahon Patik ni Debata, dohot jea ni na mangalaosi Patik i. Na mangolu jala na marhuaso do Hata ni Debata. Alani manang ise na naeng mangolu, na naeng martua jala na naeng sonang diulahon ma Hata ni Debata. Dihatindanghon par-Psalmen on do di hagogoon ni Hata ni Debata na mangalehon pangurupion. Marungkil jala marsitaonon do ibana ala hasetiaonna mangulahon Patik dohot Hata ni Debata. Alai nang pe songon i, tongtong do dihilala ibana huaso ni Hata i mangurupi ibana. Hata ni Debata na hinangoluhonna i mangalehon petunjuk di sidalananna dohot siulahononna asa boi haluar sian parungkilon dohot sitaononna. Ala ni do didok di Psalmen 119:105 “FirmanMu itu pelita bagi kakiku dan terang bagi jalanku”. 2. Patik ni Debata na hinauashon ni par-Psalmen on mangalehon kemampuan di ibana paholang diri sian hajahaton dohot maminsang na jahat. Diboto ibana do na gale do ia daging, mura diela mangulahon dosa; alani asa margogo ibana paholang diri sian hajahaton dohot asa margogo maminsang na jahat, gabe di hangoluhon ma Hata ni Debata. Holan marhite na manghangoluhon Hata ni Debata do margogo na porsea i maminsang dohot mangalo hajahaton. Ndang margogo pinsang-pinsang ni sada halak molo sipinsangon dope ibana. Ala ni asa margogo hita maminsang hajahaton, parjolo ma hita gabe tiruan diparange na denggan. 3. Mangaradoti Patik ni Debata, lapatanna mangulahon manang ma marangehon lomo ni rohaNa. Mangaradoti Patik ni Debata ndang holan umboto sisiasia ni Patik, alai mangulahon lomo ni rohaNa, jala unduk di parentaNa ala pos roha di hagogoonNa. Niulahon hata ni sada halak ala pos roha di ibana. Songon i do ngolu ni na porsea i maradophon Debata. Di ulahon lomo ni roha ni Debata ala pos rohana di Ibana, ala ni haposan HataNa, ala pinarhatopot sintong do Ibana, jala pinarhatutu dilehon i do hatuaon di ngoluniba. Amen !

blog